இந்தியாவில் நரம்பு வலிக்கான சிறந்த மருந்து: நரம்பு வலி மருந்துகளின் பெயர்கள், காரணங்கள், அறிகுறிகள் மற்றும் சிகிச்சை முறைகள்

நரம்பு வலி என்பது தசைகள் அல்லது மூட்டுகளில் ஏற்படும் வழக்கமான வலியிலிருந்து வேறுபட்டது. நரம்புகள் சேதமடையும்போது, எரிச்சலடையும்போது அல்லது சரியாகச் செயல்படாதபோது இந்த வலி ஏற்படுகிறது. எரிச்சல், கூச்ச உணர்வு, உணர்வின்மை, திடீரெனப் பரவும் வலி அல்லது மின்சாரம் பாய்வது போன்ற உணர்வு ஆகியவை இதன் அறிகுறிகளாக இருக்கலாம். இந்த வகை வலி நரம்பியல் வலி என்றும் அழைக்கப்படுகிறது.

உலகம் முழுவதும் சுமார் 7% முதல் 10% வரையிலான மக்கள் நரம்பியல் வலியால் பாதிக்கப்படுவதாகக் கணிக்கப்பட்டுள்ளது. நீரிழிவு நோய், புற்றுநோய், அக்கி நோய், நரம்புகள் அழுத்தப்படுதல், உடல் காயங்கள் அல்லது உயிர்ச்சத்து பி12 குறைபாடு போன்ற பாதிப்புகள் உள்ளவர்களுக்கு நரம்பு தொடர்பான வலி ஏற்படுவதற்கான வாய்ப்பு அதிகமாக இருக்கலாம்.

சில வகையான நரம்பு வலி மற்றும் நரம்பியல் வலியைக் கட்டுப்படுத்த காபாபென்டின், பிரிகாபாலின் மற்றும் டுலாக்செட்டின் போன்ற மருந்துகளை மருத்துவர்கள் பரிந்துரைக்கலாம்.

இந்தக் கட்டுரையின் மூலம் நரம்பு வலிக்கான காரணங்கள், அறிகுறிகள், நரம்பு வலிக்கான மருந்துகள், பொதுவாகப் பயன்படுத்தப்படும் மாத்திரைகளின் பெயர்கள், சிகிச்சை முறைகள், பக்கவிளைவுகள் மற்றும் இந்தியாவில் பின்பற்ற வேண்டிய பாதுகாப்பு முன்னெச்சரிக்கைகள் ஆகியவற்றைப் பற்றி அறிந்துகொள்ளலாம்.

நரம்பு வலி என்றால் என்ன?

நரம்பு வலி என்பது நரம்பியல் வலி என்றும் அழைக்கப்படுகிறது. நரம்புகள் சேதமடையும்போது, எரிச்சலடையும்போது அல்லது இயல்பாகச் செயல்படாதபோது இந்த வலி ஏற்படுகிறது. 

பாதிக்கப்பட்ட நரம்புகள் வழக்கமான தகவல்களை அனுப்புவதற்குப் பதிலாக, மூளைக்குத் தவறான வலி உணர்வுகளை அனுப்பலாம். இதனால் எரிச்சல், கூச்ச உணர்வு, உணர்வின்மை, திடீரெனப் பரவும் வலி அல்லது மின்சாரம் பாய்வது போன்ற உணர்வு ஏற்படலாம். 

சரியான நரம்பு வலிக்கான மருந்து எது என்பதைத் தீர்மானிக்க, வலிக்கான அடிப்படைக் காரணத்தையும் அதன் தீவிரத்தையும் கருத்தில் கொள்ள வேண்டும். 

நரம்பு வலி ஏற்படுவதற்கான காரணங்கள் என்ன?

நரம்பு வலி பல்வேறு காரணங்களால் ஏற்படலாம். ஒவ்வொருவருக்கும் பாதிப்பின் காரணம் வேறுபடுவதால், அதைக் கண்டறிவது மிகவும் முக்கியம். ஏனெனில், நரம்பு வலிக்கான சிகிச்சையும் மருந்துகளும் ஒவ்வொருவரின் உடல்நிலைக்கு ஏற்ப மாறுபடலாம்.

நரம்பியல் வலி ஏற்படுவதற்கான பொதுவான காரணங்கள்:

• நீரிழிவு நோய்
• இடுப்பிலிருந்து காலுக்குப் பரவும் நரம்பு வலி அல்லது மணிக்கட்டுப் பகுதியில் நரம்பு அழுத்தப்படுதல் போன்ற பாதிப்புகள்
• உடலில் ஏற்படும் காயங்கள்
• உயிர்ச்சத்து பி12 குறைபாடு
• அக்கி நோய்
• சில மருந்துகள் அல்லது பிற உடல்நலப் பாதிப்புகள்

நரம்பு வலியின் பொதுவான அறிகுறிகள் என்ன?

நரம்பு வலியின் உணர்வு, வழக்கமான மூட்டு அல்லது தசை வலியிலிருந்து மாறுபடலாம். எந்த நரம்புகள் பாதிக்கப்பட்டுள்ளன, வலிக்கான அடிப்படைக் காரணம் என்ன என்பவற்றைப் பொறுத்து அறிகுறிகள் மாறுபடும்.

நரம்பு வலி மற்றும் நரம்புப் பாதிப்புகளால் ஏற்படும் பொதுவான அறிகுறிகள்:

• எரிச்சல் போன்ற வலி அல்லது திடீரெனப் பரவும் வலி
• கூச்ச உணர்வு அல்லது ஊசி குத்துவது போன்ற உணர்வு
• உணர்வின்மை அல்லது தொடு உணர்வு குறைதல்
• மின்சாரம் பாய்வது போன்ற வலி
• தொட்டாலே அதிகமாக உணரும் தன்மை
• பாதிக்கப்பட்ட பகுதியில் தசை வலிமை குறைதல்
• இரவு நேரத்தில் அதிகரிக்கக்கூடிய வலி

நரம்பு வலிக்குப் பொதுவாகப் பயன்படுத்தப்படும் மருந்துகள்

நரம்பு வலியைக் குறைக்கப் பல மருந்துகள் உதவக்கூடும். வலிக்கான காரணம், அது ஏற்படும் இடம், வலியின் தீவிரம், உங்கள் உடல்நிலை மற்றும் நீங்கள் ஏற்கெனவே எடுத்துக்கொள்ளும் பிற மருந்துகள் ஆகியவற்றைக் கருத்தில் கொண்டு மருத்துவர் பொருத்தமான மருந்தைத் தேர்ந்தெடுப்பார்.

இந்தியாவில் நரம்பு வலிக்கான சிறந்த மாத்திரைகளின் பட்டியல்

ஜீலேப் மருந்தகத்தில், நரம்பு வலியால் ஏற்படும் எரிச்சல், கூச்ச உணர்வு, உணர்வின்மை மற்றும் மின்சாரம் பாய்வது போன்ற வலியைக் கட்டுப்படுத்த உதவக்கூடிய தரமான, மலிவான நரம்பு வலிக்கான மாத்திரைகள் மற்றும் குளிகைகளை பெறலாம். இவற்றை மருத்துவர் அறிவுறுத்தியபடி மட்டுமே பயன்படுத்த வேண்டும்.

காபாடிக்ஸ் 100 மாத்திரை

காபாடிக்ஸ் 100 மாத்திரை

காபாடிக்ஸ் 100 என்பது நரம்பு வலிக்குப் பயன்படுத்தப்படும் ஒரு மாத்திரை ஆகும். இதில் 100 மி.கி. அளவு காபாபென்டின் உள்ளது. இது நரம்புகளிலிருந்து மூளைக்குச் செல்லும் இயல்பற்ற வலி உணர்வுகளைக் கட்டுப்படுத்த உதவுகிறது.

• உள்ளடக்கம்: காபாபென்டின் 100 மி.கி.
• நன்மைகள்: சில வகையான நரம்பு வலிகளைக் கட்டுப்படுத்தப் பயன்படுத்தப்படுகிறது.

மை12 ஜி மாத்திரை

மை12 ஜி மாத்திரை

மை12 ஜி மாத்திரையில் நரம்புகளின் ஆரோக்கியத்திற்கு உதவும் இரண்டு மருந்துப் பொருட்களான காபாபென்டின் மற்றும் மெத்தில்கோபாலமின் இணைந்துள்ளன. நரம்பியல் வலி ஏற்படும் நிலைகளில், நரம்புகள் அனுப்பும் வலி உணர்வுகளைக் கட்டுப்படுத்த இந்த மாத்திரை உதவுகிறது.

• உள்ளடக்கம்: காபாபென்டின் 300 மி.கி. + மெகோபாலமின் 500 மைக்ரோகிராம்
• நன்மைகள்: நரம்பியல் வலி மற்றும் நரம்புப் பாதிப்புகளுடன் தொடர்புடைய அறிகுறிகளைக் கட்டுப்படுத்தப் பயன்படுத்தப்படுகிறது.

டுடு 30 குளிகை

டுடு 30 குளிகை

டுடு 30 குளிகையில் டுலாக்செட்டின் உள்ளது. இது செரோட்டோனின் மற்றும் நோர்எபினெப்ரின் ஆகிய மூளை வேதிப்பொருட்களின் அளவில் செயல்பட்டு, சில நரம்பு வலி நிலைகளில் வலி உணர்வுகளைக் கட்டுப்படுத்த உதவுகிறது.

• உள்ளடக்கம்: டுலாக்செட்டின் 30 மி.கி.
• நன்மைகள்: நீரிழிவு நோயால் ஏற்படும் புற நரம்பு வலி உட்பட சில வகையான நரம்பியல் வலிகளுக்குப் பயன்படுத்தப்படுகிறது.

காம்சீ 25 மாத்திரை

காம்சீ 25 மாத்திரை

காம்சீ 25 மாத்திரையில் அமிட்ரிப்டிலின் உள்ளது. இது நரம்பு வலிக்கான சிகிச்சையில் பயன்படுத்தப்படும் மருந்துகளில் ஒன்றாகும். மூளையில் உள்ள வேதிப்பொருட்கள் மற்றும் வலி உணர்வுகளின் செயல்பாட்டில் மாற்றத்தை ஏற்படுத்தி, சில வகையான நரம்பியல் வலிகளைக் கட்டுப்படுத்த உதவுகிறது.

• உள்ளடக்கம்: அமிட்ரிப்டிலின் 25 மி.கி.
• நன்மைகள்: சில வகையான நரம்பு வலிகளைக் கட்டுப்படுத்தப் பயன்படுத்தப்படுகிறது.

நரம்பு வலிக்கான மருந்துகளின் பக்கவிளைவுகள்

ஒவ்வொருவரின் உடலும் மருந்துகளுக்கு வெவ்வேறு விதமாக எதிர்வினையாற்றலாம். நரம்பு வலிக்கான மருந்துகளைப் பயன்படுத்தும்போது சில நேரங்களில் விரும்பத்தகாத பக்கவிளைவுகள் ஏற்படலாம். பயன்படுத்தும் மருந்து, அதன் அளவு மற்றும் தனிப்பட்ட உடல்நிலை ஆகியவற்றைப் பொறுத்து பக்கவிளைவுகள் மாறுபடும்.

நரம்பு வலிக்கான மருந்துகளால் ஏற்படக்கூடிய பக்கவிளைவுகள்:

• தலைச்சுற்றல் அல்லது தூக்கக் கலக்கம்
• குமட்டல்
• வாய் வறட்சி
• தலைவலி
• மலச்சிக்கல்
• சிலருக்கு உடலில் வீக்கம் ஏற்படுதல்
• பசியிலோ உடல் எடையிலோ மாற்றம் ஏற்படுதல்

நரம்பு வலிக்கான மருந்துகளை எடுத்துக்கொள்வதற்கு முன் கவனிக்க வேண்டிய பாதுகாப்பு முன்னெச்சரிக்கைகள்

நரம்பியல் வலிக்கான மாத்திரைகளை எடுத்துக்கொள்ளும்போது கவனமாக இருக்க வேண்டும். அவற்றைத் தவறாகப் பயன்படுத்தினால் கடுமையான பக்கவிளைவுகள் ஏற்படக்கூடும்.

கவனத்தில் கொள்ள வேண்டிய சில முக்கியமான விஷயங்கள்:

• மருத்துவரின் பரிந்துரை தேவைப்படும் நரம்பு வலி மருந்துகளை நீங்களாகவே எடுத்துக்கொள்ள வேண்டாம்.
• மருத்துவர் குறிப்பிட்ட அளவிலும் குறிப்பிட்ட நேரத்திலும் மருந்துகளை எடுத்துக்கொள்ளுங்கள்.
• நீங்கள் ஏற்கெனவே எடுத்துக்கொள்ளும் மருந்துகள், ஊட்டச்சத்துத் துணைப்பொருட்கள் மற்றும் சிறுநீரகம் அல்லது கல்லீரல் தொடர்பான பாதிப்புகள் இருந்தால் மருத்துவரிடம் தெரிவியுங்கள்.
• மது அருந்துவதால் தூக்கக் கலக்கம் அல்லது பிற பக்கவிளைவுகள் அதிகரிக்கக்கூடும் என்பதால் அதைத் தவிர்க்கவும்.
• சில மருந்துகளைத் திடீரென நிறுத்த வேண்டாம்.
• கர்ப்பிணிகளும் பாலூட்டும் தாய்மார்களும் நரம்பு வலிக்கான மருந்துகளை எடுத்துக்கொள்வதற்கு முன் மருத்துவரிடம் ஆலோசனை பெற வேண்டும்.

நரம்பு வலியைத் தடுப்பது எப்படி?

எல்லா வகையான நரம்பு வலிகளையும் தடுக்க முடியாது. இருப்பினும், ஆரோக்கியமான அன்றாடப் பழக்கவழக்கங்களையும் ஏற்கெனவே உள்ள உடல்நலப் பாதிப்புகளுக்கான முறையான சிகிச்சையையும் பின்பற்றுவதன் மூலம் நரம்புச் சேதம் மற்றும் அதனால் ஏற்படும் அறிகுறிகளின் அபாயத்தைக் குறைக்கலாம்.

• உங்களுக்கு நீரிழிவு நோய் இருந்தால், இரத்தத்தில் சர்க்கரையின் அளவை மருத்துவர் அறிவுறுத்திய வரம்பிற்குள் வைத்திருக்கவும்.
• உடலுக்குத் தேவையான உயிர்ச்சத்துகளும் ஊட்டச்சத்துகளும் நிறைந்த ஆரோக்கியமான உணவுகளைச் சாப்பிடுங்கள்.
• உங்கள் உடல்நிலைக்கு ஏற்றவாறு உடற்பயிற்சி செய்து சுறுசுறுப்பாக இருங்கள்.
• மது அருந்துவதைத் தவிர்த்து, உடல் எடையை ஆரோக்கியமான அளவில் பராமரிக்கவும்.
• காயங்கள் மற்றும் அடிப்படை உடல்நலப் பாதிப்புகளுக்கு விரைவாகச் சிகிச்சை பெறுங்கள்.
• தொடர்ந்து உணர்வின்மை, கூச்ச உணர்வு அல்லது எரிச்சல் போன்ற வலி இருந்தால், தாமதிக்காமல் மருத்துவரை அணுகுங்கள்.

நரம்பு வலிக்கு எப்போது மருத்துவரை அணுக வேண்டும்? 

காரணம் தெரியாமல் ஏற்படும் நரம்பு வலி, நாளுக்கு நாள் அதிகரிக்கும் வலி அல்லது அன்றாடச் செயல்களைச் செய்வதில் இடையூறு ஏற்படுத்தும் வலி ஆகியவற்றுக்கு மருத்துவரிடம் பரிசோதனை செய்துகொள்ள வேண்டும்.

பின்வரும் அறிகுறிகள் இருந்தால் உடனடியாக மருத்துவ உதவியை நாடுங்கள்:

• திடீரென ஏற்படும் அல்லது கடுமையான தசை வலிமைக் குறைவு
• படிப்படியாக அதிகரிக்கும் உணர்வின்மை
• நடப்பதில் அல்லது உடல் சமநிலையைப் பராமரிப்பதில் சிரமம்
• காயத்திற்குப் பிறகு ஏற்படும் கடுமையான வலி
• சிறுநீர் அல்லது மலம் கழிப்பதைக் கட்டுப்படுத்த முடியாத நிலை
• நரம்பு தொடர்பான அறிகுறிகளுடன் பிற தீவிரமான அல்லது விரைவாகத் தோன்றும் அறிகுறிகளும் ஏற்படுதல்

முடிவுரை

நரம்பு வலி பல்வேறு காரணங்களால் ஏற்படலாம். அதற்கேற்ப வெவ்வேறு சிகிச்சை முறைகள் தேவைப்படலாம். பாதிப்பைத் தாமதமின்றிக் கண்டறிதல், முறையான மருத்துவ ஆலோசனை பெறுதல் மற்றும் பொருத்தமான நரம்பு வலிக்கான மருந்தை பயன்படுத்துதல் ஆகியவை அறிகுறிகளைக் கட்டுப்படுத்தவும் அன்றாடச் செயல்பாடுகளையும் வாழ்க்கைத் தரத்தையும் மேம்படுத்தவும் உதவும்.

அறிகுறிகள் மோசமடைவதைத் தடுக்க, நரம்பு வலிக்குக் காரணமான அடிப்படைப் பாதிப்பை முறையாகக் கட்டுப்படுத்துவது மிகவும் முக்கியம். 

நரம்பு வலி தொடர்ந்து நீடித்தாலோ அதிகரித்தாலோ, உணர்வின்மை, கூச்ச உணர்வு அல்லது தசை வலிமைக் குறைவு ஏற்பட்டாலோ, உரிய பரிசோதனை மற்றும் சிகிச்சைக்காகத் தகுந்த மருத்துவ நிபுணரை அணுகுங்கள்.