இந்தியாவில் பயணக் குமட்டலுக்கான மருந்துகள்: குமட்டல், அசைவு மற்றும் பயணத்தின்போது ஏற்படும் உடல்நலக்குறைவுக்கு சிறந்த மாத்திரைகள்

பயணத்தின்போது ஏற்படும் உடல்நலக்குறைவு மிகவும் பொதுவானது. காரில், பேருந்தில், தொடருந்தில், விமானத்தில் அல்லது படகில் பயணம் செய்யும்போது குறைந்தது மூன்றில் ஒருவருக்கு குமட்டல் மற்றும் வாந்தி வருவது போன்ற தொந்தரவுகள் ஏற்படுகின்றன.

பயணத்தின்போது ஏற்படும் உடல்நலக்குறைவுக்கான மாத்திரைகள், அவற்றில் உள்ள மருந்துப் பொருட்களைப் பொறுத்து வெவ்வேறு விதங்களில் செயல்பட்டு, குமட்டல், வாந்தி மற்றும் தலைச்சுற்றல் போன்ற அறிகுறிகளைத் தடுக்கவும் குறைக்கவும் உதவுகின்றன.

புரோமெத்தசின், டைமென்ஹைட்ரினேட், மெக்லிசின் மற்றும் சின்னாரிசின் ஆகியவை பயணத்தின்போது ஏற்படும் உடல்நலக்குறைவு அல்லது பயணக் குமட்டலுக்கு பயன்படுத்தப்படும் சிறந்த மருந்துகளில் சிலவாகும்.

பயணத்தின்போது வாந்தி ஏற்படுவதைத் தடுக்க உதவும் சிறந்த மருந்துகள் மற்றும் பயணத்தின்போது ஏற்படும் பிற பொதுவான அறிகுறிகளை எவ்வாறு சமாளிப்பது என்பதைப் பற்றி பார்ப்போம்.

பயணத்தின்போது ஏற்படும் உடல்நலக்குறைவு மாத்திரைகள் எதற்காகப் பயன்படுத்தப்படுகின்றன?

பயணத்தின்போது ஏற்படும் குமட்டல், வாந்தி மற்றும் தலைச்சுற்றல் போன்ற தொந்தரவுகளைக் குறைக்க இந்த மருந்துகள் பயன்படுத்தப்படுகின்றன.

மருத்துவரின் ஆலோசனைப்படி, கார் பயணத்தின்போது ஏற்படும் குமட்டல், விமானப் பயணத்தின்போது ஏற்படும் குமட்டல் மற்றும் கடல் பயணத்தின்போது ஏற்படும் குமட்டல் ஆகியவற்றுக்கும் இவை பயன்படுத்தப்படலாம்.

பயணத்தின்போது ஏற்படும் உடல்நலக்குறைவு மாத்திரையின் பயன்கள்

பயணத்தின்போது ஏற்படும் உடல்நலக்குறைவு மிகவும் சங்கடமாக இருப்பதுடன், உங்கள் பயணத்தையும் பாதிக்கலாம். பயணக் குமட்டலுக்கான மாத்திரையை எடுத்துக்கொள்வது பின்வரும் நிலைகளில் பயனுள்ளதாக இருக்கலாம்:

• பயணத்தின்போது ஏற்படும் உடல்நலக்குறைவு: மூளையில் உள்ள ஹிஸ்டமின் ஏற்பிகளைத் தடுத்து, குமட்டல், வாந்தி மற்றும் வயிற்றில் ஏற்படும் அசௌகரியத்தைத் தடுக்கவும் குறைக்கவும் உதவுகிறது.
• தலைச்சுற்றலைக் குறைக்க: தலைச்சுற்றலுக்கான மருந்துகள் உடலின் சமநிலையைக் கட்டுப்படுத்தும் உள் சமநிலை அமைப்பை அமைதிப்படுத்துவதன் மூலம் செயல்படுகின்றன.
• தூக்கத்தை ஏற்படுத்தும் மருந்தாகப் பயன்படுதல்: டைமென்ஹைட்ரினேட் அல்லது டைஃபென்ஹைட்ரமைன் போன்ற ஒவ்வாமை எதிர்ப்பு மருந்துகள் பயணத்தின்போது தூக்க உணர்வை ஏற்படுத்தி, உறங்குவதற்கு உதவக்கூடும்.

மேலும் படிக்க: இந்தியாவில் வாந்தி மற்றும் குமட்டலைத் தடுக்க சிறந்த வாந்தி எதிர்ப்பு மருந்துகள்

பயணத்தின்போது ஏற்படும் உடல்நலக்குறைவு மாத்திரைகளை எவ்வாறு எடுத்துக்கொள்வது?

பெரும்பாலான பயணக் குமட்டல் மாத்திரைகள் பயணம் தொடங்குவதற்கு 30 முதல் 60 நிமிடங்களுக்கு முன்பு எடுத்துக்கொள்ளப்படுகின்றன. ஏற்கனவே ஏற்பட்ட அறிகுறிகளைக் குறைப்பதைவிட, அவை ஏற்படாமல் தடுப்பதற்கு இந்த மருந்துகள் சிறப்பாக உதவுகின்றன. இருப்பினும், வெவ்வேறு மருந்துகளுக்கு மாத்திரை எடுத்துக்கொள்ள வேண்டிய நேரம் மாறுபடலாம்.

நீங்களே வாகனம் ஓட்டுபவராக இருந்தால், இந்த மருந்துகளை எடுத்துக்கொள்வதைத் தவிர்க்கவும். ஏனெனில், இவை தூக்கத்தை ஏற்படுத்தக்கூடும். அறிகுறிகள் அதிகரித்தால் உங்கள் மருத்துவரிடம் தெரிவிக்கவும். பரிந்துரைக்கப்பட்ட அளவைவிட அதிகமாக எடுத்துக்கொள்ளக் கூடாது.

பயணத்தின்போது ஏற்படும் உடல்நலக்குறைவு மாத்திரை எவ்வாறு செயல்படுகிறது?

தலைச்சுற்றல், குமட்டல் மற்றும் வாந்தி போன்ற அறிகுறிகளைத் தூண்டும் மூளையின் வேதியியல் சமிக்ஞைகளைத் தடுப்பதன் மூலம் இந்த மாத்திரைகள் செயல்படுகின்றன.

பயணத்தின்போது ஏற்படும் உடல்நலக்குறைவு மாத்திரைகளின் பக்கவிளைவுகள்

பயணத்தின்போது ஏற்படும் உடல்நலக்குறைவுக்குப் பயன்படுத்தப்படும் மருந்தின் வகையைப் பொறுத்து சில லேசான பக்கவிளைவுகள் ஏற்படலாம். அவற்றில்:

• தூக்க உணர்வு 
• வாய், மூக்கு மற்றும் தொண்டையில் வறட்சி
• பார்வை மங்குதல்
• விழிப்புணர்வு குறைதல்

பயணத்தின்போது ஏற்படும் உடல்நலக்குறைவு மாத்திரையை எடுத்த பிறகு தவிர்க்க வேண்டியவை

சில பயணக் குமட்டல் மருந்துகள் தூக்கத்தையோ விழிப்புணர்வு குறைவையோ ஏற்படுத்தக்கூடும். எனவே, பின்வருவனவற்றைத் தவிர்ப்பது நல்லது:

• வாகனம் ஓட்டுதல் அல்லது இயந்திரங்களை இயக்குதல்
• மது அருந்துதல்
• தூக்கத்தை ஏற்படுத்தும் பிற மருந்துகளை எடுத்துக்கொள்வது
• முழுமையான விழிப்புணர்வு தேவைப்படும் பிற செயல்களில் ஈடுபடுதல்

இந்தியாவில் பொதுவாகப் பயன்படுத்தப்படும் பயணக் குமட்டல் மருந்துகளின் பெயர்கள்

பயணத்தின்போது ஏற்படும் உடல்நலக்குறைவுக்கு சிகிச்சையளிக்க ஒவ்வாமை எதிர்ப்பு மருந்துகள் மற்றும் வாந்தி எதிர்ப்பு மருந்துகள் பொதுவாகப் பயன்படுத்தப்படுகின்றன.

குமட்டல் மற்றும் வாந்தியைக் குறைக்க உதவுவதால், மருத்துவர் அல்லது மருந்தாளுநர் இந்த மருந்துகளைப் பரிந்துரைப்பது வழக்கம்.

இந்தியாவில் கிடைக்கும் பயணக் குமட்டல் மாத்திரைகளின் பட்டியல்

பயணத்தின்போது ஏற்படும் உடல்நலக்குறைவின் அறிகுறிகளைக் குறைக்க உதவும் சில சிறந்த மாத்திரைகள்:

சின்னார்ஸீ 25 மாத்திரை

சின்னார்ஸீ 25

சின்னார்ஸீ 25 என்பது சின்னாரிசின் அடிப்படையிலான மருந்தாகும். இது பயணத்தின்போது ஏற்படும் தலைச்சுற்றல் மற்றும் குமட்டலுடன் தொடர்புடைய உள் காதின் சமநிலைச் சமிக்ஞைகளைச் சீராகக் கட்டுப்படுத்த உதவுகிறது.

• மருந்துக் கலவை: சின்னாரிசின் 25 மி.கி
• பயன்கள்: பயணத்தின்போது ஏற்படும் உடல்நலக்குறைவு, தலைச்சுற்றல், குமட்டல் மற்றும் வாந்தியைக் கட்டுப்படுத்த உதவுகிறது.
• எவ்வாறு செயல்படுகிறது: சின்னாரிசின் உள் காதில் உள்ள உடல் சமநிலை அமைப்பில் செயல்படுவதுடன், ஒவ்வாமை எதிர்ப்பு தன்மையையும் கொண்டுள்ளது. இதன் மூலம் உடலின் அசைவால் ஏற்படும் அறிகுறிகளைக் குறைக்க உதவுகிறது.

சின்னார்ஸீ டி.எம் மாத்திரை

சின்னார்ஸீ டி.எம் மாத்திரை

சின்னார்ஸீ டி.எம் என்பது இந்தியாவில் பயணத்தின்போது ஏற்படும் உடல்நலக்குறைவுக்கு பொதுவாகப் பயன்படுத்தப்படும் மாத்திரையாகும். இதில் சின்னாரிசின் மற்றும் டாம்பெரிடோன் ஆகிய மருந்துகள் உள்ளன. இவை உடலின் அசைவால் ஏற்படும் தலைச்சுற்றல், குமட்டல் மற்றும் வாந்தியைக் கட்டுப்படுத்த உதவுகின்றன.

• மருந்துக் கலவை: சின்னாரிசின் 20 மி.கி + டாம்பெரிடோன் 15 மி.கி
• பயன்கள்: பயணத்தின்போது ஏற்படும் உடல்நலக்குறைவின் அறிகுறிகளான தலைச்சுற்றல், குமட்டல் மற்றும் வாந்தியைக் குறிப்பாகக் கட்டுப்படுத்த உதவுகிறது.
• எவ்வாறு செயல்படுகிறது: சின்னாரிசின் உள் காதிலிருந்து மூளைக்குச் செல்லும் சமநிலை தொடர்பான சமிக்ஞைகளைச் சீராகக் கட்டுப்படுத்த உதவுகிறது. டாம்பெரிடோன் குமட்டல் மற்றும் வாந்தியுடன் தொடர்புடைய சமிக்ஞைகளைக் கட்டுப்படுத்த உதவுகிறது.

பயணத்தின்போது ஏற்படும் உடல்நலக்குறைவைச் சமாளிக்க இயற்கை வழிகள்

பயணத்தின்போது மருந்துகளைப் பயன்படுத்தாமல் சில எளிய முறைகளைப் பின்பற்றுவதன் மூலம் பயணக் குமட்டலின் அறிகுறிகளைக் குறைக்கலாம். இதன் பலன் ஒவ்வொருவருக்கும் மாறுபடலாம். 

• ஆழமாகவும் மெதுவாகவும் மூச்சை உள்ளிழுத்து வெளியே விடுவது மனதை அமைதிப்படுத்தி, பயணத்தின்போது ஏற்படும் குமட்டல் அல்லது அசௌகரியத்தைக் குறைக்க உதவும்.
• குமட்டல் ஏற்பட்டு தொடர்ந்து வாந்தி எடுத்தால், உடலில் நீர்ச்சத்து குறையாமல் இருக்க அதிகமாகத் தண்ணீர் குடிக்கவும்.
• காற்றோட்டத்திற்காக ஜன்னலைத் திறப்பது அல்லது காற்று வரும் வழியைத் திறந்து வைப்பது பலருக்கு சௌகரியமாக இருக்க உதவும்.
• பயணத்திற்கு முன்பாக அல்லது பயணத்தின்போது எளிதில் செரிமானமாகும் உணவுகளான உலர் பிஸ்கட் அல்லது வாழைப்பழம் போன்றவற்றைச் சாப்பிடவும். காரமான, எண்ணெயில் அதிகம் சமைத்த அல்லது அதிக அளவிலான உணவுகளைத் தவிர்க்கவும்.
• ஜன்னலுக்கு வெளியே பார்த்து, தொலைவில் தெரியும் நிலையான அடிவானம் அல்லது அசைவில்லாத வேறு பொருளின் மீது கவனம் செலுத்துங்கள். இது பயணத்தின்போது ஏற்படும் உடல்நலக்குறைவைக் குறைக்க உதவலாம்.
• புத்தகம் படிப்பது, காணொளி பார்ப்பது அல்லது கைப்பேசியைப் பயன்படுத்துவதைத் தவிர்க்கவும். இதுபோன்ற செயல்கள் அறிகுறிகளை மேலும் அதிகரிக்கக்கூடும்.
• பயணத்திற்கு முன்பு போதுமான ஓய்வு எடுத்துக்கொள்வது பயணத்தின்போது ஏற்படும் உடல்நலக்குறைவின் அறிகுறிகளைக் குறைக்க உதவும்.
• இஞ்சித் துண்டை மென்று சாப்பிடுவது குமட்டலைக் குறைத்து, பயணத்தின்போது ஏற்படும் உடல்நலக்குறைவைத் தடுக்க உதவலாம் என்று சில ஆய்வுகள் தெரிவிக்கின்றன.

மேலும் படிக்க:  வாந்தி ஏற்படும்போது சாப்பிட வேண்டிய சிறந்த உணவுகள்

பயணத்தின்போது ஏற்படும் உடல்நலக்குறைவுக்கு எப்போது மருத்துவரை அணுக வேண்டும்?

பயணத்தின்போது ஏற்படும் உடல்நலக்குறைவு பொதுவாக தற்காலிகமானது. வாகனத்திலிருந்து இறங்கிய பிறகு இதன் அறிகுறிகள் பெரும்பாலும் குறைந்துவிடும். ஆனால் அடிக்கடி ஏற்படும், கடுமையான அல்லது வழக்கத்திற்கு மாறான அறிகுறிகளுக்கு மருத்துவ கவனிப்பு தேவைப்படலாம்.

• பயணத்தின்போது ஏற்படும் உடல்நலக்குறைவு அடிக்கடி அல்லது கடுமையாக ஏற்பட்டு, அன்றாட செயல்பாடுகளைப் பாதித்தால்.
• பயணம் செய்யாத நேரத்திலும் அல்லது உடல் அசைவுக்கு உட்படாத நேரத்திலும் இதன் அறிகுறிகள் ஏற்பட்டால்.
• பயணம் முடிந்த பிறகும் அறிகுறிகள் நீடித்தால் அல்லது வழக்கத்திற்கு மாறான நரம்பு மண்டல அறிகுறிகளுடன் காணப்பட்டால்.
• மருந்து எடுத்துக்கொண்ட பிறகும் அறிகுறிகள் குறையவில்லை அல்லது தொந்தரவு தரும் பக்கவிளைவுகள் ஏற்பட்டால்.
• குழந்தைகளுக்கு, கர்ப்ப காலத்தில் அல்லது பிற மருந்துகளுடன் சேர்த்து பயணக் குமட்டல் மருந்துகளைப் பயன்படுத்துவது குறித்து ஆலோசனை தேவைப்பட்டால்.

முடிவுரை

பயணத்தின்போது ஏற்படும் குமட்டல், வாந்தி, தலைச்சுற்றல் மற்றும் வயிற்றில் ஏற்படும் அசௌகரியம் போன்ற பொதுவான அறிகுறிகளைக் கட்டுப்படுத்த பயணக் குமட்டல் மருந்துகள் பயன்படுத்தப்படுகின்றன. மூளையில் குமட்டல் மற்றும் வாந்தியைத் தூண்டும் ஹிஸ்டமின் ஏற்பிகளைத் தடுப்பதன் மூலம் இந்த மருந்துகள் செயல்படுகின்றன. 

புரோமெத்தசின், டைமென்ஹைட்ரினேட் மற்றும் மெக்லிசின் ஆகியவை பயணத்தின்போது ஏற்படும் உடல்நலக்குறைவுக்கு பொதுவாகப் பயன்படுத்தப்படும் மருந்துகளாகும். ஆழமாக மூச்சுவிடுதல், உடலில் போதுமான நீர்ச்சத்தைப் பராமரித்தல், நறுமணத்தைப் பயன்படுத்துதல், நிலையான ஒரு பொருளின் மீது கவனம் செலுத்துதல், உணவு முறையில் மாற்றங்களைச் செய்தல், புதிய காற்றைப் பெறுதல் மற்றும் கவனத்தை வேறு செயல்களில் செலுத்துதல் போன்ற இயற்கை வழிகளும் பயணத்தின்போது ஏற்படும் உடல்நலக்குறைவின் அறிகுறிகளைக் கட்டுப்படுத்த உதவும்.