இந்தியாவில் OTC மற்றும் மருந்து சீட்டு மருந்துகள்: டாக்டரின் ஆலோசனை இல்லாமல் எதை வாங்கக் கூடாது?

இந்தியாவில் சுயமாக மருந்து எடுத்துக் கொள்வது (Self-medication) பல காரணங்களால் அதிகரித்து வருகிறது. மருந்துகள் எளிதில் கிடைப்பது, இணையத்தில் உடல்நல தகவல்கள் அதிகம் இருப்பது, தானே நோயை கண்டறிதல் போன்றவை இதற்குக் காரணமாக உள்ளன. 

இது சில நேரங்களில் வசதியாக தோன்றினாலும், மருந்துகளை தவறாக பயன்படுத்துவது தவறான அளவு (Dosage) எடுத்துக் கொள்வதற்கும், பக்கவிளைவுகளின் ஆபத்தை அதிகரிப்பதற்கும் வழிவகுக்கும்.

மருந்துகளின் வகைகளை சரியாகப் புரிந்து கொள்வது மிகவும் முக்கியம். அப்போதுதான் நீங்கள் மருந்துகளை சரியாகவும் பாதுகாப்பாகவும் பயன்படுத்த முடியும். பொதுவாக மருந்துகள் இரண்டு வகையாகப் பிரிக்கப்படுகின்றன: மருந்து சீட்டு மருந்துகள் (Prescription medicines) மற்றும் கவுண்டரில் நேரடியாக வாங்கக்கூடிய OTC (Over-the-Counter) மருந்துகள்.

அப்படியானால், OTC மருந்துகள் மற்றும் மருந்து சீட்டு மருந்துகள் எதில் வித்தியாசமாக இருக்கின்றன?

OTC மருந்துகளை பொதுவாக டாக்டரின் நேரடி ஆலோசனை இல்லாமலே வாங்க முடியும். ஆனால் மருந்து சீட்டு மருந்துகள் டாக்டர் எழுதி தரும் மருந்து சீட்டின் அடிப்படையில் மட்டுமே பயன்படுத்தப்பட வேண்டும்; அவை மருத்துவ கண்காணிப்பில் (Medical supervision) இருக்க வேண்டும்.

அதனால் தான் OTC மற்றும் மருந்து சீட்டு மருந்துகளின் வித்தியாசத்தை நன்றாகப் புரிந்து கொள்வது அவசியம்.

OTC (Over-the-Counter) மருந்துகள் என்றால் என்ன?

OTC (Over-the-Counter) மருந்துகள் என்பது டாக்டரின் மருந்து சீட்டு இல்லாமல் நேரடியாக வாங்கக்கூடிய மருந்துகள். இவை பொதுவாக சிறிய அளவிலான உடல்நல பிரச்சினைகள் மற்றும் லேசான அறிகுறிகளை கட்டுப்படுத்த பயன்படுத்தப்படுகின்றன. இவை பெரும்பாலும் சுய பராமரிப்பு (Self-care) நோக்கத்திற்காகவே பயன்படுத்தப்படுகின்றன.

இந்தியாவில் பொதுவாக மருந்து சீட்டு இல்லாமல் கிடைக்கும் சில மருந்துகள்:

• காய்ச்சல் மற்றும் வலி மருந்துகள்: பாராசிட்டமால் (Paracetamol), ஐபுபுரோஃபென் (Ibuprofen), நாப்ரோக்சன் (Naproxen)
• அமிலத்தன்மை மற்றும் எரிச்சலுக்கு எதிரான மருந்துகள்: கால்சியம் கார்பனேட் (Calcium Carbonate), மக்னீசியம் ஹைட்ராக்சைடு (Magnesium Hydroxide), அலுமினியம் ஹைட்ராக்சைடு (Aluminium Hydroxide) 
• சளி & இருமல் நிவாரண மருந்துகள்: டெக்ஸ்ட்ரோமேதார்பன் (Dextromethorphan), குவாய்ஃபெனசின் (Guaifenesin) விட்டமின்கள் & ஊட்டச்சத்துகள்: வைட்டமின் C, B-காம்ப்ளெக்ஸ் 

OTC மருந்துகளுக்கு பல நன்மைகள் உள்ளன. அவை எளிதில் கிடைக்கின்றன, டாக்டரை உடனே சந்திக்க முடியாத நேரங்களில் விரைவான நிவாரணம் தருகின்றன. 

ஆனால் OTC மருந்துகளுக்கும் சில குறைகள் உள்ளன. குறிப்பாக, அளவுக்கு மீறி எடுத்துக் கொள்வது, எச்சரிக்கை அறிகுறிகளை கவனிக்காமல் விடுவது போன்றவை நீண்ட காலத்தில் பெரிய உடல்நல பிரச்சினைகளை உருவாக்கலாம்.

மருந்து சீட்டு (Prescription) மருந்துகள் என்றால் என்ன?

மருந்து சீட்டு மருந்துகள் (Prescription drugs) என்பது தவறாக பயன்படுத்தினால் கடுமையான பக்கவிளைவுகளை ஏற்படுத்தக்கூடியதால் மிகவும் கட்டுப்பாட்டில் வைக்கப்படும் மருந்துகள்.

இத்தகைய மருந்துகளை தகுதியான மருத்துவ நிபுணர் (Doctor) எழுதி தரும் செல்லுபடியாகும் மருந்து சீட்டு இல்லாமல் வழங்கக் கூடாது.

சில மருந்து சீட்டு மருந்துகள் இந்திய மருந்து சட்டத்தின் கீழ் பின்வரும் அட்டவணைகளில் (Schedule) கட்டுப்படுத்தப்படுகின்றன:

• அட்டவணை G (Schedule G): டிபென்ஹைட்ரமின் (Diphenhydramine), மெட்ஃபார்மின் (Metformin), மெர்காப்டோபியூரின் (Mercaptopurine)
• அட்டவணை H1 (Schedule H1): எதாம்புடால் ஹைட்ரோகுளோரைடு (Ethambutol Hydrochloride), எத்தியோனைமைடு (Ethionamide), ஐசோனியாசிட் (Isoniazid)
• அட்டவணை X (Schedule X): அம்பெட்டமின் (Amphetamine), பென்டோபார்பிட்டால் (Pentobarbital), அமோபார்பிட்டால் (Amobarbital)
• அட்டவணை C மற்றும் C1 (Schedule C & C1): இன்சுலின் (Insulin), அட்ரினலின் தயாரிப்புகள் (Adrenaline preparations), டிஜிட்டாலிஸ் (Digitalis)

மருந்து சீட்டு மருந்துகள், அவற்றின் பயன்பாடு, ஒவ்வொருவரின் உடல் உணர்திறன் (Sensitivity), பக்கவிளைவுகளின் ஆபத்து, தவறாக பயன்படுத்தும் சாத்தியம் போன்ற காரணங்களால் OTC மருந்துகளிலிருந்து வேறுபடுகின்றன.

அதனால் இம்மருந்துகள் அரசு அமைப்புகளால் கடுமையாக கட்டுப்படுத்தப்படுகின்றன; செல்லுபடியாகும் மருந்து சீட்டு இல்லாமல் இவற்றை விற்கவும், பயன்படுத்தவும் கூடாது.

OTC vs மருந்து சீட்டு மருந்துகள்: முக்கிய வித்தியாசங்கள் 

சில மருந்துகளின் இரசாயன அமைப்பு (Chemical composition) ஒரே மாதிரியாக இருந்தாலும், அவை வலிமை (Strength), அளவு (Dose), பயன்படுத்தும் காலம், பக்கவிளைவுகள் போன்றவற்றில் வேறுபடுகின்றன. 

OTC மருந்துகள் மற்றும் மருந்து சீட்டு மருந்துகளின் வித்தியாசத்தை அறிந்து கொள்வது, நமக்கு சரியான முடிவுகளை எடுக்க உதவும். 

டாக்டரின் ஆலோசனை இல்லாமல் ஒருபோதும் வாங்கக் கூடாத மருந்துகள் 

சில வகை மருந்துகள் நோயாளியின் உடல் நிலை, வயது, முன் மருத்துவ வரலாறு, தற்போது எடுத்து வரும் சிகிச்சை போன்றவற்றை கருத்தில் கொண்டு நிபுணர் (Specialist) மட்டுமே அளவையும் காலத்தையும் தீர்மானிக்க வேண்டியவை. 

இத்தகைய மருந்துகள் சரியான முறையில் பயன்படுத்தினால் சிகிச்சைக்கு மிகவும் பயனுள்ளதாக இருக்கும். ஆனால் அளவுக்கு மீறி அல்லது தவறாக பயன்படுத்தினால் கடுமையான பாதிப்புகளை ஏற்படுத்தலாம்.

சுயமாக மருந்து எடுத்துக் கொள்வது ஏன் ஆபத்தானது?

சுயமாக மருந்து எடுத்துக் கொள்வது சில நேரங்களில் உடனடி நிவாரணம் தரலாம். ஆனால் மருந்துகளை தவறாக பயன்படுத்தினால் கடுமையான உடல்நல பிரச்சினைகள், நோயை தாமதமாக கண்டறிதல், சிகிச்சை சிக்கல்கள், தேவையற்ற பக்கவிளைவுகள் போன்றவை ஏற்படலாம்.

கீழே உள்ள ஆபத்துகள் காரணமாக, டாக்டரின் சரியான ஆலோசனை இல்லாமல் மருந்து எடுத்துக் கொள்வதை தவிர்ப்பது நல்லது:

• தவறான நோயறிதல்: சரியான பரிசோதனை இல்லாமல் மருந்து எடுத்தால், உண்மையான நோயை தவறாக புரிந்து கொள்ளும் அபாயம் உள்ளது.
• மருந்து-மருந்து தொடர்பு (Drug interaction): ஒரே நேரத்தில் பல மருந்துகள் எடுத்தால், அவை ஒன்றுடன் ஒன்று எதிர்வினை செய்து எதிர்பாராத பக்கவிளைவுகளை ஏற்படுத்தலாம்.
• ஆண்டிபயாட்டிக் எதிர்ப்பு: ஆண்டிபயாட்டிக் மருந்துகளை தவறாக அல்லது தேவையில்லாமல் எடுத்தால், எதிர்காலத்தில் தொற்றுநோய்களுக்கு சிகிச்சை கொடுப்பது கடினமாகும்.
• உடல் உறுப்புகள் சேதம்: மருந்துகளை தவறாக பயன்படுத்தினால் கல்லீரல், சிறுநீரகம் போன்ற முக்கிய உறுப்புகள் சேதமடையலாம்.
• மறைந்திருக்கும் நோய்கள்: தற்காலிக நிவாரணத்தால் உண்மையான நோயின் அறிகுறிகள் மறைந்து, சரியான சிகிச்சை தாமதமாகலாம்.

இந்தியாவில் பொதுவாக தவறாக பயன்படுத்தப்படும் மருந்துகள் 

சில மருந்துகள் விரைவாக நிவாரணம் தருவதால், டாக்டரின் ஆலோசனை இல்லாமல் பலர் பயன்படுத்துகின்றனர். ஆனால் இம்மருந்துகளை தவறாக அல்லது அதிகமாக பயன்படுத்தினால் கடுமையான பக்கவிளைவுகள் மற்றும் பிற சிக்கல்கள் ஏற்படலாம்.
சில உதாரணங்கள்: 

இந்தியாவில் மருந்து சீட்டில் இருந்து மருந்தை எப்படி அடையாளம் காணலாம்?

மருந்து சீட்டு மருந்துகளை அவற்றின் பாக்கெட்டில் (Packing) அச்சிடப்பட்டுள்ள லேபிள்கள் மற்றும் எச்சரிக்கை குறிப்புகள் மூலம் அடையாளம் காணலாம். இந்த லேபிள்களை சரியாகப் புரிந்து கொள்வது, மருந்துகளை பாதுகாப்பாக பயன்படுத்தவும், தவறான பயன்பாட்டைத் தவிர்க்கவும் உதவும்.

பொதுவாக லேபிளில் மருந்தின் பெயர், வலிமை, உள்ளிருக்கும் பொருட்கள் (Ingredients), பயன்படுத்தும் முறை, எச்சரிக்கைகள், மருந்து சீட்டு அவசியம் பற்றிய தகவல்கள் போன்றவை இருக்கும்.

• மருந்து ஸ்ட்ரிப் சிவப்பு கோடு: மருந்து ஸ்ட்ரிப் அல்லது பாக்கெட்டில் செங்குத்தாக இருக்கும் சிவப்பு கோடு, அந்த மருந்து டாக்டரின் கண்காணிப்பில் மட்டுமே பயன்படுத்தப்பட வேண்டும், டாக்டரின் ஆலோசனை இல்லாமல் எடுத்துக் கொள்ளக் கூடாது என்பதை குறிக்கும்.
• அட்டவணை H (Schedule H): இம்மருந்துகளை பதிவு செய்யப்பட்ட மருத்துவ நிபுணர் (Registered medical practitioner) எழுதி தரும் செல்லுபடியாகும் மருந்து சீட்டு இல்லாமல் வழங்கக் கூடாது.
• அட்டவணை H1 (Schedule H1): தவறாக பயன்படுத்தும் ஆபத்து, ஆண்டிபயாட்டிக் எதிர்ப்பு பற்றிய கவலைகள் காரணமாக இம்மருந்துகள் மேலும் கடுமையான கட்டுப்பாட்டில் வைக்கப்படுகின்றன.

OTC மருந்துகளை பாதுகாப்பாக பயன்படுத்துவது எப்படி?

கீழே கொடுக்கப்பட்டுள்ள முன்னெச்சரிக்கைகளை கவனமாகப் பின்பற்றினால், OTC மருந்துகளை பாதுகாப்பாகவும் பயனுள்ளதாகவும் பயன்படுத்த முடியும்.

• லேபிளை முழுவதும் படிக்கவும்: லேபிளில் உள்ள பொருட்கள், எச்சரிக்கைகள், பயன்படுத்தும் வழிமுறைகள் போன்றவற்றை கவனமாகப் படிக்க வேண்டும்.
• அளவுக்கு ஏற்ப மட்டுமே மருந்து எடுத்துக் கொள்ளவும்: பரிந்துரைக்கப்பட்ட அளவை விட அதிகமாக எடுத்துக் கொண்டால் உடலுக்கு தீங்கு விளைவிக்கும்.
• மருந்தின் காலாவதி தேதியை (Expiry date) சரிபார்க்கவும்: காலாவதியான மருந்துகள் எதிர்பார்த்த பலனை தராது, சில நேரங்களில் ஆபத்தும் தரலாம்.
• அறிகுறிகள் நீடித்தால் டாக்டரை சந்திக்கவும்: அறிகுறிகள் நீண்ட நாட்களாக தொடர்ந்தால் அது கடுமையான நோயின் அறிகுறியாக இருக்கலாம்; உடனே டாக்டரை அணுக வேண்டும்.

மருந்துகளை தவறாக பயன்படுத்துவதைத் தவிர்க்க உதவும் குறிப்புகள் 

மருந்து தவறாக பயன்படுத்தப்படாமல் இருக்க, கீழே உள்ளவற்றை நினைவில் கொள்ளுங்கள்:

• மருந்து சீட்டு மருந்துகளை தவறாக பயன்படுத்துவதின் ஆபத்துகள், மருந்துகளை சரியாக பயன்படுத்தும் முறை குறித்து குடும்பத்தினர், நண்பர்கள் ஆகியோருக்கு விழிப்புணர்வு ஏற்படுத்துங்கள்.
• மருந்துகளை எப்போதும் குழந்தைகள் எட்டாத பாதுகாப்பான இடத்தில் வைத்திருங்கள்.
• மற்றவர்களுக்காக மருந்து சீட்டு மருந்துகளை வாங்காதீர்கள்.
• காலாவதியான அல்லது பயன்படுத்தாமல் இருக்கும் மருந்துகளை, உள்ளூர் வழிகாட்டுதல்களுக்கு ஏற்ப பாதுகாப்பாக அகற்றுங்கள்.
• டாக்டருடன் தவறாமல் காலம்தோறும் ஆலோசனை செய்து, அவர் கூறும் வழிகாட்டுதல்களைப் பின்பற்றுங்கள்.
• மருந்து நினைவூட்டும் (Medicine reminder) மொபைல் ஆப்கள் மூலம், மருந்துகளை சரியான நேரத்தில் எடுத்துக் கொள்ள நினைவூட்டலாம்.
• வலி மேலாண்மைக்கு எப்போதும் மருந்து மட்டுமல்லாமல், உடற்பயிற்சி, யோகா, உணவு மாற்றம் போன்ற மாற்று வழிகளையும் டாக்டரின் ஆலோசனையுடன் பரிசீலிக்கவும்.
• மருந்து சீட்டு மருந்துகளை தவறாக பயன்படுத்தும் அறிகுறிகள் (அளவுக்கு மீறி எடுத்தல், அடிமை தன்மை போன்றவை) இருந்தால் அவற்றை கவனித்து உடனே மருத்துவ உதவி பெறுங்கள்.

OTC vs மருந்து சீட்டு மருந்துகள்: எது பாதுகாப்பானது?

OTC மற்றும் மருந்து சீட்டு மருந்துகள் இரண்டும் சரியான முறையில் பயன்படுத்தினால் பாதுகாப்பானவை. ஆனால் எது உங்களுக்கு பொருத்தமானது என்பது உங்கள் உடல்நிலை, நோயின் தன்மை, மருத்துவ தேவைகள் ஆகியவற்றைப் பொறுத்தது.

மேலும் படிக்க: ஜெனரிக் மருந்து என்றால் என்ன?

கூடுதல் குறிப்புகள் (Conclusion)

OTC மற்றும் மருந்து சீட்டு மருந்துகள் என்ற இரண்டு முக்கிய வகை மருந்துகள், பல்வேறு உடல்நல பிரச்சினைகளை கட்டுப்படுத்தவும், சிகிச்சை அளிக்கவும் முக்கிய பங்கு வகிக்கின்றன.

OTC மருந்துகள், மருந்து சீட்டு இல்லாமல் கிடைக்கும், பொதுவாக சிறிய உடல்நல பிரச்சினைகளுக்கு பயன்படுத்தப்படும் மருந்துகள். இதற்கு மாறாக, மருந்து சீட்டு மருந்துகள் அதிக ஆபத்து மற்றும் பக்கவிளைவுகள் உள்ளதால், டாக்டரின் நேரடி கண்காணிப்பில் மட்டுமே பயன்படுத்தப்பட வேண்டும்.

பலர் சுயமாக மருந்து எடுத்துக் கொள்வதை வசதியான வழி என்று நினைத்தாலும், இது நோயை தாமதமாக கண்டறிதல், சிகிச்சை சிக்கல்கள், மருந்து சார்ந்த பக்கவிளைவுகள் போன்ற கடுமையான விளைவுகளை ஏற்படுத்தலாம்.

எப்போதும் மருந்து லேபிள்களை கவனமாகப் படித்து, டாக்டர் அல்லது தகுதியான சுகாதார நிபுணர் பரிந்துரைத்தபடி மட்டுமே மருந்துகளை பயன்படுத்துவது மிகவும் முக்கியம்.