भारतातील नसांच्या दुखण्यावरील सर्वोत्तम औषध: नसांच्या दुखण्यावरील औषधांची नावे, कारणे, लक्षणे आणि उपचार

मज्जातंतूंमुळे होणारी वेदना ही नेहमीच्या स्नायूंच्या किंवा सांध्यांच्या वेदनांपेक्षा वेगळी असते. मज्जातंतूंना इजा झाल्यास, त्यांना त्रास झाल्यास किंवा त्यांचे कार्य योग्य प्रकारे होत नसल्यास अशा वेदना जाणवू शकतात. यामध्ये जळजळ होणे, मुंग्या येणे, बधिरपणा जाणवणे, अचानक तीव्र वेदना होणे किंवा विजेचा झटका बसल्यासारखे वाटणे यांचा समावेश होतो. या प्रकारच्या वेदनांना मज्जातंतूजन्य वेदना असेही म्हणतात.

जगभरातील सुमारे ७ ते १० टक्के लोकांना मज्जातंतूजन्य वेदनांचा त्रास होतो, असा अंदाज आहे. मधुमेह, कर्करोग, नागीण, मज्जातंतूंवर दाब येणे, शारीरिक दुखापत किंवा जीवनसत्त्व ब१२ची कमतरता यांसारख्या समस्या असलेल्या व्यक्तींना अशा वेदना होण्याची शक्यता अधिक असते.

मज्जातंतूजन्य वेदनांचे काही प्रकार कमी करण्यासाठी गॅबापेंटिन, प्रेगाबालिन आणि ड्युलॉक्सेटिन ही औषधे वैद्यकीय तज्ज्ञांकडून लिहून दिली जातात.

या लेखातून तुम्हाला मज्जातंतूंच्या वेदनांची कारणे, लक्षणे, त्यावरील औषधे, गोळ्यांची प्रचलित नावे, उपचारांचे पर्याय, दुष्परिणाम आणि भारतात उपचार घेताना घ्यावयाची काळजी यांची माहिती मिळेल.

मज्जातंतूंच्या वेदना म्हणजे काय?

मज्जातंतूजन्य वेदना म्हणजे मज्जातंतूंना इजा झाल्यामुळे किंवा त्यांच्या कार्यात बिघाड झाल्यामुळे होणाऱ्या वेदना होय. 

मज्जातंतूंचे कार्य बिघडल्यास ते मेंदूपर्यंत वेदनांचे चुकीचे संकेत पाठवू शकतात. त्यामुळे जळजळ होणे, मुंग्या येणे, बधिरपणा जाणवणे, अचानक तीव्र वेदना होणे किंवा विजेचा झटका बसल्यासारखे वाटणे अशी लक्षणे दिसू शकतात. 

मज्जातंतूंच्या वेदनांवरील योग्य औषध हे वेदनांचे मूळ कारण आणि त्रासाची तीव्रता यांवर अवलंबून असते. 

मज्जातंतूंच्या वेदना कशामुळे होतात?

मज्जातंतूंच्या वेदना होण्यामागे अनेक कारणे असू शकतात. त्यांचे मूळ कारण ओळखणे महत्त्वाचे असते, कारण प्रत्येक व्यक्तीच्या त्रासानुसार उपचार आणि औषधे वेगवेगळी असू शकतात.

मज्जातंतूजन्य वेदनांची सामान्य कारणे पुढीलप्रमाणे आहेत:

• मधुमेह
• सायटिका किंवा मनगटातील मज्जातंतू दाबला जाणे यांसारख्या समस्या
• शारीरिक दुखापत
• जीवनसत्त्व ब१२ची कमतरता
• नागीण हा विषाणूजन्य आजार
• काही औषधे किंवा इतर आजार

मज्जातंतूंच्या वेदनांची सामान्य लक्षणे

मज्जातंतूंच्या वेदना या नेहमीच्या सांध्यांच्या किंवा स्नायूंच्या वेदनांपेक्षा वेगळ्या जाणवू शकतात. कोणते मज्जातंतू प्रभावित झाले आहेत आणि त्यामागील कारण काय आहे, यानुसार लक्षणे बदलू शकतात.

मज्जातंतूंच्या वेदना आणि मज्जातंतूंच्या कार्यातील बिघाडाची सामान्य लक्षणे पुढीलप्रमाणे आहेत:

• जळजळ होणे किंवा अचानक तीव्र वेदना होणे
• मुंग्या येणे किंवा सुई टोचल्यासारखे वाटणे
• बधिरपणा जाणवणे किंवा स्पर्शाची जाणीव कमी होणे
• विजेचा झटका बसल्यासारख्या वेदना होणे
• स्पर्श झाल्यावर नेहमीपेक्षा जास्त संवेदनशीलता जाणवणे
• प्रभावित भागातील स्नायू कमकुवत होणे
• रात्रीच्या वेळी वेदना अधिक वाढणे

मज्जातंतूंच्या वेदनांवरील सामान्य औषधे

मज्जातंतूंच्या वेदना कमी करण्यासाठी अनेक औषधे वापरली जाऊ शकतात. वेदनांचे कारण, त्यांचे ठिकाण, तीव्रता, तुमची प्रकृती आणि तुम्ही घेत असलेली इतर औषधे यांचा विचार करून वैद्यकीय तज्ज्ञ योग्य औषध ठरवतात.

भारतातील मज्जातंतूंच्या वेदनांसाठी सर्वोत्तम गोळ्यांची यादी

झीलॅब फार्मसीमध्ये तुम्हाला परवडणाऱ्या किमतीत दर्जेदार मज्जातंतूंच्या वेदनांसाठीच्या गोळ्या आणि कॅप्सूल मिळू शकतात. वैद्यकीय तज्ज्ञांनी सांगितल्याप्रमाणे वापरल्यास ही औषधे जळजळ होणे, मुंग्या येणे, बधिरपणा जाणवणे आणि विजेचा झटका बसल्यासारख्या वेदना कमी करण्यास मदत करू शकतात.

गॅबॅटिक्स १०० गोळी

गॅबॅटिक्स १०० गोळी

गॅबॅटिक्स १०० हे मज्जातंतूंच्या वेदनांसाठी वापरल्या जाणाऱ्या गोळ्यांपैकी एक आहे. यामध्ये गॅबापेंटिन १०० मिग्रॅ असते. हे औषध मेंदूपर्यंत जाणारे वेदनांचे असामान्य संकेत नियंत्रित करण्यास मदत करते.

• घटक: गॅबापेंटिन १०० मिग्रॅ
• फायदे: मज्जातंतूंच्या काही विशिष्ट प्रकारच्या वेदना नियंत्रित करण्यासाठी वापरले जाते.

माय१२ जी गोळी

माय१२ जी गोळी

माय१२ जी गोळीमध्ये मज्जातंतूंचे आरोग्य जपण्यास मदत करणारे गॅबापेंटिन आणि मेथिलकोबालामिन हे दोन घटक आहेत. मज्जातंतूंच्या वेदनांवरील हे औषध वेदनांचे संकेत नियंत्रित करण्यास मदत करते.

• घटक: गॅबापेंटिन ३०० मिग्रॅ + मेकोबालामिन ५०० मायक्रोग्रॅम
• फायदे: मज्जातंतूजन्य वेदना आणि मज्जातंतूंशी संबंधित लक्षणे नियंत्रित करण्यासाठी वापरले जाते.

डुडू ३० कॅप्सूल

डुडू ३० कॅप्सूल

डुडू ३० कॅप्सूलमध्ये ड्युलॉक्सेटिन हा घटक असतो. हे औषध मेंदूतील सेरोटोनिन आणि नॉरएपिनेफ्रिन या रसायनांच्या पातळीवर कार्य करते. त्यामुळे मज्जातंतूंच्या वेदनांशी संबंधित काही स्थितींमध्ये वेदनांचे संकेत नियंत्रित करण्यास मदत होते.

• घटक: ड्युलॉक्सेटिन ३० मिग्रॅ
• फायदे: मधुमेहामुळे हातापायांच्या मज्जातंतूंमध्ये होणाऱ्या वेदनांसह काही प्रकारच्या मज्जातंतूजन्य वेदनांवर उपचार करण्यासाठी वापरले जाते.

कामझी २५ गोळी

कामझी २५ गोळी

कामझी २५ गोळीमध्ये अमिट्रिप्टिलिन हा घटक असतो. मज्जातंतूंच्या वेदनांवरील औषधांच्या यादीत या औषधाचाही समावेश होतो. हे मेंदूतील रसायने आणि वेदनांचे संकेत यांवर कार्य करून मज्जातंतूजन्य वेदनांचे काही प्रकार नियंत्रित करण्यास मदत करते.

• घटक: अमिट्रिप्टिलिन २५ मिग्रॅ
• फायदे: मज्जातंतूंच्या काही विशिष्ट प्रकारच्या वेदना नियंत्रित करण्यासाठी वापरले जाते.

मज्जातंतूंच्या वेदनांवरील औषधांचे दुष्परिणाम

प्रत्येक व्यक्तीच्या शरीरावर औषधांचा परिणाम वेगवेगळा होऊ शकतो. मज्जातंतूंच्या वेदनांवरील औषधांमुळे काही वेळा अनिष्ट परिणाम जाणवू शकतात. हे परिणाम कोणते औषध घेतले आहे, त्याचे प्रमाण किती आहे आणि व्यक्तीची प्रकृती कशी आहे, यावर अवलंबून असतात.

या औषधांमुळे पुढील दुष्परिणाम जाणवू शकतात:

• चक्कर येणे किंवा गुंगी येणे
• मळमळ होणे
• तोंड कोरडे पडणे
• डोकेदुखी होणे
• बद्धकोष्ठता होणे
• काही वेळा शरीरावर सूज येणे
• भूक किंवा वजनात बदल होणे

मज्जातंतूंच्या वेदनांवरील औषधे घेण्यापूर्वी घ्यावयाची काळजी

मज्जातंतूंच्या वेदनांवरील कोणतीही गोळी घेताना काळजी घेणे आवश्यक आहे. या औषधांचा चुकीचा वापर केल्यास गंभीर दुष्परिणाम होऊ शकतात.

औषधे घेताना पुढील गोष्टी लक्षात ठेवा:

• वैद्यकीय तज्ज्ञांच्या चिठ्ठीवर मिळणारी औषधे त्यांच्या सल्ल्याशिवाय स्वतःहून घेऊ नका.
• सांगितलेल्या प्रमाणात आणि ठरलेल्या वेळीच औषधे घ्या.
• तुम्ही घेत असलेली इतर औषधे, पोषणपूरक पदार्थ तसेच मूत्रपिंड किंवा यकृताशी संबंधित त्रास यांची माहिती वैद्यकीय तज्ज्ञांना द्या.
• मद्यपानामुळे गुंगी किंवा इतर दुष्परिणाम वाढण्याची शक्यता असल्यास मद्यपान टाळा.
• काही औषधे अचानक घेणे बंद करू नका.
• गर्भवती किंवा बाळाला स्तनपान करणाऱ्या महिलांनी मज्जातंतूंच्या वेदनांवरील औषधे घेण्यापूर्वी वैद्यकीय तज्ज्ञांचा सल्ला घ्यावा.

मज्जातंतूंच्या वेदना कशा टाळाव्यात?

मज्जातंतूंच्या सर्वच वेदना टाळता येत नाहीत. मात्र, दैनंदिन जीवनातील आरोग्यदायी सवयी आणि आधीपासून असलेल्या आजारांचे योग्य नियंत्रण यांमुळे मज्जातंतूंना इजा होण्याचा आणि संबंधित लक्षणांचा धोका कमी होण्यास मदत होऊ शकते.

• तुम्हाला मधुमेह असल्यास रक्तातील साखरेचे प्रमाण योग्य मर्यादेत ठेवा.
• जीवनसत्त्वे आणि आवश्यक पोषक घटक मिळतील असा सकस आहार घ्या.
• तुमच्या प्रकृतीनुसार नियमित शारीरिक हालचाल करा.
• मद्यपान टाळा आणि शरीराचे वजन निरोगी मर्यादेत ठेवा.
• दुखापत झाल्यास किंवा इतर आजार असल्यास वेळेवर उपचार घ्या.
• सतत बधिरपणा जाणवत असल्यास, मुंग्या येत असल्यास किंवा जळजळ होत असल्यास लवकरात लवकर वैद्यकीय तज्ज्ञांचा सल्ला घ्या.

मज्जातंतूंच्या वेदनांसाठी डॉक्टरांकडे कधी जावे? 

मज्जातंतूंच्या वेदनांचे कारण समजत नसल्यास, वेदना वाढत असल्यास किंवा दैनंदिन कामे करताना अडथळा येत असल्यास वैद्यकीय तपासणी करून घेणे आवश्यक आहे.

पुढील लक्षणे जाणवल्यास त्वरित वैद्यकीय मदत घ्या:

• अचानक किंवा तीव्र अशक्तपणा जाणवणे
• हळूहळू वाढत जाणारा बधिरपणा
• चालताना किंवा शरीराचा तोल सांभाळताना अडचण येणे
• दुखापतीनंतर तीव्र वेदना होणे
• लघवी किंवा शौचावरील नियंत्रण सुटणे
• मज्जातंतूंच्या लक्षणांसोबत इतर गंभीर किंवा झपाट्याने वाढणारी लक्षणे दिसणे

निष्कर्ष

मज्जातंतूंच्या वेदनांमागे वेगवेगळी कारणे असू शकतात आणि त्यानुसार उपचारही वेगवेगळे असू शकतात. वेळेवर निदान, योग्य वैद्यकीय सल्ला आणि मज्जातंतूंच्या वेदनांवरील योग्य औषध यांमुळे लक्षणे नियंत्रित करण्यास, दैनंदिन कामे अधिक सहजपणे करण्यास आणि जीवनमान सुधारण्यास मदत होऊ शकते.

लक्षणे अधिक वाढू नयेत यासाठी मूळ आजाराचे योग्य नियंत्रण आणि उपचार करणे महत्त्वाचे आहे. 

मज्जातंतूंच्या वेदना सतत होत असल्यास किंवा वाढत असल्यास, बधिरपणा जाणवत असल्यास, मुंग्या येत असल्यास किंवा अशक्तपणा जाणवत असल्यास योग्य तपासणी आणि उपचारांसाठी वैद्यकीय तज्ज्ञांचा सल्ला घ्या.