भारतातील अँटीफंगल क्रीमची यादी

भारतात बुरशीजन्य त्वचारोगाचे प्रमाण खूप जास्त आहे. देशातील जवळपास ६ कोटी लोक या त्रासाने ग्रस्त आहेत. यामागचे एक प्रमुख कारण म्हणजे भारतातील उष्ण आणि दमट हवामान.

त्वचेवर बुरशीची वाढ झाल्यामुळे खाज येणे, पुरळ उठणे, जळजळ होणे, वेदनादायक जखमा होणे अशी लक्षणे दिसू शकतात. या त्रासावर उपचार करण्यासाठी सुरुवातीला बुरशीविरोधी मलम किंवा क्रीम वापरण्याचा सल्ला दिला जातो.

क्लोझेक्स, टर्बिफेक्स आणि लुलिबोल ही भारतात बुरशीजन्य त्वचारोगांवर वापरली जाणारी काही परिचित मलमांची नावे आहेत. यांमध्ये असलेले बुरशीविरोधी घटक बुरशीची वाढ रोखण्यास आणि त्यातून होणारा त्रास कमी करण्यास मदत करतात.

या लेखामध्ये वेगवेगळ्या प्रकारच्या बुरशीजन्य त्वचारोगांवर वापरल्या जाणाऱ्या उत्तम मलमांची आणि क्रीमची माहिती दिली आहे.

बुरशीविरोधी क्रीमचा उपयोग कशासाठी केला जातो?

त्वचेवरील बुरशीजन्य संसर्गावर उपचार करण्यासाठी बुरशीविरोधी क्रीमचा सुरुवातीला वापर केला जातो. ही क्रीम त्वचेवर बाहेरून लावली जाते आणि बुरशीची वाढ रोखण्यास मदत करते.

तुम्हाला कोणत्या प्रकारचा संसर्ग झाला आहे, यानुसार डॉक्टर योग्य क्रीम वापरण्याचा सल्ला देतात. कारण बुरशीजन्य संसर्गाचे अनेक प्रकार असतात.

खालील बुरशीजन्य त्वचारोगांमध्ये बाहेरून लावल्या जाणाऱ्या बुरशीविरोधी क्रीमचा उपयोग होऊ शकतो:

• गजकर्ण
• पायाच्या बोटांमधील बुरशीजन्य संसर्ग
• मांडीच्या आतील भागातील बुरशीजन्य संसर्ग
• त्वचेवर होणारा कँडिडा बुरशीचा संसर्ग
• त्वचेवर वेगवेगळ्या रंगांचे डाग पडणारा बुरशीजन्य विकार

बुरशीविरोधी क्रीम कशा प्रकारे काम करतात?

बुरशीविरोधी क्रीम बुरशी नष्ट करून किंवा तिची वाढ रोखून त्वचेवरील संसर्ग कमी करण्यास मदत करतात.

प्रत्येक बुरशीविरोधी क्रीमचा मुख्य उद्देश संसर्गावर उपचार करणे हाच असतो. मात्र, त्यांची कार्य करण्याची पद्धत वेगवेगळी असू शकते. उदाहरणार्थ:

• बुरशीच्या पेशींच्या बाहेरील आवरणाला हानी पोहोचवतात.
• बुरशीच्या वाढीसाठी आवश्यक असलेल्या घटकांची निर्मिती थांबवतात.
• त्वचेच्या इतर भागांमध्ये संसर्ग पसरण्यापासून रोखण्यास मदत करतात.
• संसर्ग कमी होऊ लागल्यावर खाज, लालसरपणा आणि त्वचेवर होणारे पापुद्रे कमी करण्यास मदत करतात.

बुरशीविरोधी क्रीममध्ये वापरले जाणारे सामान्य औषधी घटक

बुरशीविरोधी मलम तयार करण्यासाठी वेगवेगळ्या प्रकारच्या बुरशीविरोधी औषधी घटकांचा वापर केला जातो. कोणता घटक वापरायचा हे संसर्गाचा प्रकार, त्याची तीव्रता आणि बुरशीची वाढ त्वचेच्या कोणत्या भागात झाली आहे, यावर अवलंबून असते.

सामान्यतः वापरले जाणारे बुरशीविरोधी औषधी घटक आणि त्यांचे उपयोग पुढीलप्रमाणे आहेत.

भारतातील उत्तम बुरशीविरोधी क्रीमची यादी

भारतात बुरशीमुळे होणाऱ्या त्वचेच्या सामान्य संसर्गावर उपचार करण्यासाठी अनेक प्रकारच्या बुरशीविरोधी क्रीम उपलब्ध आहेत. चला तर मग, अशा काही लोकप्रिय क्रीम, त्यांमधील औषधी घटक, उपयोग आणि वापरताना घ्यायची काळजी यांची माहिती जाणून घेऊया. यामुळे वेगवेगळ्या प्रकारच्या बुरशीजन्य संसर्गासाठी कोणती क्रीम उपयुक्त ठरू शकते, हे समजण्यास मदत होईल.

क्लोझेक्स क्रीम

क्लोझेक्स बुरशीविरोधी क्रीम २० ग्रॅम

क्लोझेक्स हे बुरशीविरोधी क्रीम असून त्यामध्ये क्लोट्रिमाझोल हा औषधी घटक असतो. हा घटक बुरशीच्या पेशींच्या बाहेरील आवरणाच्या कार्यात अडथळा निर्माण करतो आणि त्वचेवरील बुरशीची वाढ नियंत्रित करण्यास मदत करतो.

• घटक: क्लोट्रिमाझोल १% वजनानुसार
• फायदे: गजकर्ण आणि पायाच्या बोटांमधील बुरशीजन्य संसर्ग यांसारख्या सामान्य त्वचारोगांवर तसेच त्यासोबत होणारी खाज आणि लालसरपणा कमी करण्यास मदत करते.

टर्बिफेक्स क्रीम

टर्बिफेक्स टर्बिनाफाइन क्रीम

टर्बिफेक्स हे त्वचेवर लावायचे बुरशीविरोधी क्रीम आहे. हे बुरशीच्या पेशींच्या बाहेरील आवरणाच्या निर्मितीत अडथळा आणून बुरशीची वाढ रोखण्यास मदत करते. यामध्ये टर्बिनाफाइन हा औषधी घटक असतो. गजकर्ण आणि इतर बुरशीजन्य संसर्गांवर उपचार करण्यासाठी या घटकाचा वापर केला जातो.

• घटक: टर्बिनाफाइन हायड्रोक्लोराइड १% वजनानुसार
• फायदे: संवेदनशील बुरशीमुळे होणारे गजकर्ण, मांडीच्या आतील भागातील बुरशीजन्य संसर्ग आणि पायाच्या बोटांमधील संसर्ग बरा करण्यास मदत करते.

कॅटकॉन क्रीम

कॅटकॉन क्रीम

कॅटकॉन हे त्वचेवर लावायचे बुरशीविरोधी क्रीम आहे. यामध्ये केटोकोनाझोल हा औषधी घटक असतो. हा घटक बुरशीच्या पेशींच्या बाहेरील आवरणाची निर्मिती विस्कळीत करून बुरशीजन्य संसर्ग नियंत्रित करण्यास मदत करतो.

• घटक: केटोकोनाझोल २% वजनानुसार
• फायदे: गजकर्ण आणि यीस्टमुळे होणाऱ्या संसर्गासह त्वचेवरील काही प्रकारच्या बुरशीजन्य संसर्गांवर उपचार करण्यास मदत करते.

लुलिबोल क्रीम

लुलिबोल लुलिकोनाझोल १% क्रीम

लुलिबोलमध्ये लुलिकोनाझोल हा बुरशीविरोधी औषधी घटक असतो. हा घटक बुरशीच्या पेशींच्या बाहेरील आवरणाची निर्मिती रोखतो. विशिष्ट प्रकारच्या त्वचेवरील बुरशीजन्य संसर्गांवर उपचार करण्यासाठी याचा वापर केला जातो.

• घटक: लुलिकोनाझोल १% वजनानुसार
• फायदे: गजकर्ण, मांडीच्या आतील भागातील बुरशीजन्य संसर्ग आणि पायाच्या बोटांमधील संसर्ग यांसारख्या संवेदनशील बुरशीमुळे होणाऱ्या त्वचारोगांवर उपचार करण्यास मदत करते.

सर्टाझी क्रीम

सर्टाझी सर्टाकोनाझोल नायट्रेट क्रीम

सर्टाझीचा वापर त्वचेवरील यीस्ट आणि बुरशीजन्य संसर्गावर उपचार करण्यासाठी केला जातो. या क्रीममधील सर्टाकोनाझोल नायट्रेट हा औषधी घटक बुरशीच्या पेशींच्या बाहेरील आवरणाच्या कार्यात अडथळा आणतो आणि बुरशीची वाढ रोखण्यास मदत करतो.

• घटक: सर्टाकोनाझोल नायट्रेट २% वजनानुसार
• फायदे: गजकर्ण आणि पायाच्या बोटांमधील बुरशीजन्य संसर्ग यांसह त्वचेवरील काही प्रकारचे बुरशीजन्य संसर्ग नियंत्रित करण्यास मदत करते.

इबोझोल क्रीम

इबोझोल बुरशीविरोधी क्रीम

इबोझोलमध्ये एबर्कोनाझोल हा बुरशीविरोधी औषधी घटक असतो. हा घटक बुरशीच्या वाढीसाठी आवश्यक असलेल्या एर्गोस्टेरॉलच्या निर्मितीत अडथळा आणतो आणि बुरशीच्या पेशींच्या बाहेरील आवरणाचे सामान्य कार्य बिघडवतो.

• घटक: एबर्कोनाझोल १% वजनानुसार
• फायदे: गजकर्ण आणि मांडीच्या आतील भागातील बुरशीजन्य संसर्ग यांसह संवेदनशील बुरशीमुळे होणारे त्वचारोग नियंत्रित करण्यास मदत करते.

त्वचेच्या संसर्गासाठी योग्य बुरशीविरोधी क्रीम कशी निवडावी?

त्वचेवर बुरशीची वाढ झाल्यामुळे खाज, जळजळ आणि लालसरपणा यांसारखा त्रास होऊ शकतो. हा त्रास कमी करण्यासाठी अनेक प्रकारच्या बुरशीविरोधी क्रीम उपलब्ध आहेत. मात्र, तुमच्यासाठी योग्य क्रीम निवडताना पुढील गोष्टी लक्षात घेणे आवश्यक आहे.

• संसर्गाचा प्रकार: त्वचेवर कोणत्या प्रकारच्या बुरशीची वाढ झाली आहे, हे डॉक्टर तपासतात आणि त्यानुसार योग्य उपचारांसाठी मलम सुचवतात.
• संसर्ग झालेला भाग: क्रीममधील मुख्य औषधी घटक त्वचेच्या प्रभावित भागासाठी योग्य आहे की नाही, हे तपासल्यानंतरच क्रीम निवडावी.
• लक्षणांची तीव्रता: संसर्ग सतत पसरत असेल किंवा त्याचा त्रास वाढत असेल, तर योग्य उपचारांसाठी डॉक्टरांकडून तपासणी करून घेणे आवश्यक आहे.
• इतर घटक: डॉक्टरांनी सांगितल्याशिवाय क्रीममध्ये स्टेरॉइड किंवा प्रतिजैविक औषधे आहेत का, हे तपासल्याशिवाय अशी क्रीम वापरू नयेत.

पावसाळ्यात त्वचेवर बुरशीजन्य संसर्ग होण्याचे प्रमाण अधिक असते. याबद्दल अधिक जाणून घेण्यासाठी पावसाळ्यात त्वचेवरील बुरशीजन्य संसर्गासाठी वापरल्या जाणाऱ्या क्रीमची माहिती वाचा.

बुरशीजन्य संसर्गासाठी क्रीम वापरताना घ्यायची अतिरिक्त काळजी

बुरशीविरोधी क्रीम योग्य पद्धतीने वापरल्यास उपचारांचा चांगला परिणाम मिळण्यास आणि त्वचेची जळजळ कमी होण्यास मदत होते. उपचार सुरू असताना पुढील काळजी घ्या.

• क्रीम लावण्यापूर्वी संसर्ग झालेला भाग स्वच्छ करून पूर्णपणे कोरडा करा.
• बुरशीजन्य संसर्गासाठी दिलेल्या सूचनांनुसारच क्रीमचा वापर करा.
• हवा खेळती राहील असे कपडे वापरा आणि संसर्ग झालेला भाग कोरडा ठेवा.
• बुरशीजन्य संसर्ग झालेल्या व्यक्तीचा वापरलेला टॉवेल, पादत्राणे किंवा कपडे वापरू नका.
• डॉक्टरांच्या सल्ल्याशिवाय स्टेरॉइड असलेली किंवा अनेक औषधी घटक एकत्र असलेली क्रीम वापरू नका.
• डॉक्टरांनी सांगितल्याशिवाय डोळे, तोंड किंवा गुप्तांगांच्या आसपासच्या नाजूक भागांवर क्रीम लावू नका.

बुरशीविरोधी क्रीमचे सामान्य दुष्परिणाम

बुरशीविरोधी क्रीम योग्य पद्धतीने वापरल्यास बहुतेक लोकांना ती सहन होते. मात्र, काही व्यक्तींना क्रीम लावलेल्या जागी सौम्य त्रास जाणवू शकतो.

यांच्या सामान्य दुष्परिणामांमध्ये पुढील त्रासांचा समावेश होतो:

• सौम्य जळजळ किंवा टोचल्यासारखे वाटणे.
• त्वचेवर लालसरपणा किंवा खाज निर्माण होणे.
• क्रीम लावलेल्या भागात खाज येणे.
• त्वचा कोरडी पडणे किंवा तिचे पापुद्रे निघणे.

तसेच गुप्तांगांच्या आसपासच्या बुरशीजन्य संसर्गासाठी वापरल्या जाणाऱ्या उत्तम क्रीमची माहिती देखील वाचा.

बुरशीजन्य संसर्ग झाल्यास डॉक्टरांचा सल्ला कधी घ्यावा?

त्वचेच्या वरच्या थरावर होणारे अनेक बुरशीजन्य संसर्ग योग्य औषधी क्रीम वापरल्याने बरे होऊ शकतात. मात्र, काही संसर्गांसाठी डॉक्टरांकडून तपासणी आणि अतिरिक्त उपचारांची आवश्यकता असते. पुढील लक्षणे दिसल्यास डॉक्टरांचा सल्ला घ्या:

• त्वचेवरील पुरळ वेगाने पसरत असेल किंवा मोठ्या भागावर पसरले असेल.
• तीव्र वेदना, सूज, पू किंवा ताप येत असेल.
• संसर्ग डोक्याच्या त्वचेवर, नखांवर किंवा शरीराच्या नाजूक भागांवर झाला असेल.
• दिलेल्या सूचनांनुसार क्रीम वापरूनही त्रास कमी होत नसेल.
• उपचार पूर्ण झाल्यानंतरही संसर्ग वारंवार होत असेल.
• तुम्हाला मधुमेह असेल किंवा शरीराची रोगप्रतिकारक शक्ती कमी असेल.

निष्कर्ष

भारतात त्वचेवरील बुरशीजन्य संसर्गासाठी सर्वोत्तम क्रीम तीच असते जी संसर्गावर आणि त्यासोबत होणारी खाज, जळजळ, लालसरपणा यांसारखी लक्षणे कमी करण्यास प्रभावी ठरते. मात्र, योग्य क्रीमची निवड संसर्गाचा प्रकार आणि त्वचेचा कोणता भाग प्रभावित झाला आहे, यावर अवलंबून असते.

डॉक्टरांनी सांगितलेल्या पद्धतीनेच औषधांचा वापर करा, त्वचेची स्वच्छता राखा आणि वैद्यकीय सल्ल्याशिवाय स्टेरॉइडयुक्त मिश्र क्रीम वापरणे टाळा. त्रास कमी होत नसेल, वाढत असेल किंवा वारंवार उद्भवत असेल, तर योग्य निदान आणि उपचारांसाठी आरोग्यतज्ज्ञांचा सल्ला घ्या.